Од идеја до JuMi чаша
Во октомври 2025 година, решивме дизајнот на нашата нова JuMi Bubble чаша да ѝ го довериме на креативноста на нашата заедница. Го објавивме предизвикот „Дизајнирај ја новата JuMi Bubble чаша“, а меѓу пристигнатите идеи, еден дизајн посебно нè освои.
Автор на победничкиот дизајн е Ице Наков од Гевгелија, кој својата инспирација ја пронајде во убавините и препознатливите симболи на нашиот град. На чашата свое место добија планината Кожуф, старата железничка и мотиви од Гевгелија – детали што ја раскажуваат приказната за местото од кое потекнува JuMi.
Но, оваа приказна има и уште еден посебен, хуман момент. ❤️ Ице одлучи паричната награда од 100 евра да ја донира, претворајќи ја својата победа во гест на дарежливост и солидарност.
Како победник, покрај паричната награда, Ице доби и доживотно бесплатно кафе во сите JuMi локали, а неговата креативна идеја од цртеж стана вистинска JuMi чаша.
Така, новата чаша стана многу повеќе од амбалажа за кафе. Таа стана мала приказна за Гевгелија, за креативноста, за заедништвото и за добрината што се пренесува од човек на човек.
Од Гевгелија, со љубов. Од идеја – до чаша во илјадници раце. ☕🍀
Благодарност до Ице Наков што ни помогна да создадеме нешто посебно и што покажа дека најубавите идеи се оние што носат и добра приказна зад себе.
